ازاي ابدأ
مقدمة
لو انت لسة متخرج جديد ودايما الطريق بيبقي مش واضح ادامك وهتلاقي معظم الناس تتجه انها تقدم لوظيفة كول سنتر او مكاتب محاسبة صغيرة او بنوك
وفي ناس بتبدا تقارن نفسها بغيرها و ده غلط مثلا انا خريج تجارة عربي ف اكيد اللي متخرج من تجارة انجليش احسن مني…انا جايب تقدير مقبول ف مش هعرف الاقي شغل كويس
لازم تعرف ان الدنيا مبتقفش عند كدة الفكرة هنا ان الواحد يخطط لمستقبله صح ويعرف هو عايز ايه كويس ويتعب علي اد ما يقدر وعنده يقين ان ربنا مش هيضيع تعبك ابدا
ايه المهارات المطلوبة منك
اي شهادة من الشهادات المهنية القوية مثل CFA مش هتضمن ليك وظيفة من غير ما يكون معاك حاجات تانية قوي فيها زي:
اول خطوة المفروض اي حد متخرج يعملها سواء خريج عربي اوتجارة انجليش ان تكون اللغة الانجليزية عندك قوية جدا ودي مش هو اللي بيحددها ممكن تشوف نفسك بتتكلم انجليش كويس بالنسبة لزمايلك بس ممكن الانجليش ده ميكونش كافي انك تشتغل بيهوفي مكان قوي لانك هتتعامل مع عملاء ومديرين وناس خارجية مع شركات تانية ف محتاج انك تكتب انجليش كويس جدا وتكتبه كويس برده فحاول تاخد كورسات انجليش بدري علي اد ما تقدر ولو تقدر تطور اللغة وانت في الجامعة يبقي كويس جدا بحيث اول مت تتخرج ان شاء الله تبدأ في الشهادة علي طول
واشهر الاماكن اللي ممكن تاخد فيها كورس هي الجامعة الامريكية ،berlitz,britch council وغيرها من الاماكن المعتمدة لكن مش مهم المكان اد ما مهم تطور نفسك وتتكلم وتكتب انجليش كويس اوي وممكن تاخد ليفل واحد فالاماكن دي بحيث يساعدك تملي cv بتاعك لو انت لسة متخرج جديد
وبناء علي تجارب شخصية ممكن تتفرج علي animation و ده كرتون زي المسلسلات الاجنبي مدته 20 دقيقة ف لو خصصت لنفسك كل يوم حلقة هتلاقي نفسك طلعت حصيلة كلمات كويسة
وبرده في قناة Zamerican English لابراهيم عادل قناة كويسة اوي وبيتابعها ملايين وهيبدأ معاك من الصفر
ولو قابلت صعوبة في ترجمة بعض الكلمات ف في موقع حلو اوي اسمه Uglish بيجيبلك الكلمة في فيديوز علي اليوتيوب وتشوف الناس بتنطقها ازاي وسط الكلام وفي مواقف مختلفة وبرده في ابلكيشن U dictionary كويس اوي برده وفي نطقين للكلمة امريكي وبريطاني
برده من الحاجات المهمة جدا ولازم تشتغل عليها هي presentation skills لانك ممكن تكون كويس جدا في الانجليش ولكن لما تروح انترفيو تلاقي نفسك مش عارف تتكلم كويس بطريقة بروفيشنال و ده ممكن يضيع عليك فرصة عمل كويسة لانك مش متعود تعمل انترفيو بشكل كويس ومش هتوصل لل technical interview فننصحك ب انك تروح تدريبات علي اد ما تقدر او تشتغل بارت تايم او تروح events عشان تقدر تحسن التواصل مع الغير وتقدر تعرض مهاراتك بصورة كويسة في الانترفيو
مهم جدا تعرف تتعامل مع الاكسيل لانك في الاهر بتاخد داتا وتطبقها بطريقة معينة تفيد شركتك وبرده باور بوينت هتحتاجه في التقارير المالية
ده بيبقي كورس مكون من 24 كورس فرعي بيتكلم عن حاجات كتير زي المحاسبة والقوائم المالية وازاي تقيم شركة وتبني نموزج تقييم من الصفر وتحليل القوائم المالية لاخر 3 سنين مثلا وازاي اقدر اعمل توقع ل 5 سنين ادام واقارنه بالشركات التانية والصناعة وتقدم الكلام ده بطريقة محترمة وبروفيشنال
معهد CFI هو معهد بيديلك شهادة معتمدة FMVA وهي اختصار ل Financial modeling &Valuation Analyst و دي بتتاخد اونلاين من 3 الي 5 شهور وتكلفتها 500دولار وممكن تقدم علي دعم مالي وتخفض التكلفة ل 200 دولار
ازاي احدد career path
لازم تحدد هدفك عشان تقدر تحدد الشهادة المهنية اللي هتساعدك في تحقيق هدفك
- لو انت عايز تشتغل في البنوك
اي وظيفة سواء تيلر او خدمة عملاء ممكن تروح المعهد المصرفي تاخد كورس اساسيات البنوك
- لوانت عايز تشتغل في مجال المحاسبة
فلازم تبقي فاهم محاسبة مالية كويس اوي و ده ممكن تحصل عليه من خلال شهادة IFRS و دي شهادة سهلة مش محتاجة مجهود كبير ولو مش عايز تمتحن مش مشكلة المهم تذاكرها و ده هيفرق معاك في امتحانات المحاسبة والانترفيو لانك هتكون فاهم اسس المحاسبة المالية صح وبالتالي هتبقي فاهم القيد المحاسبي بيتعمل ازاي مش حافظ وخلاص
اما لو عايز تاخد شهادة مهنية قوية في المحاسبة وهتفرق جدا في cv بتاعك هي شهادة CMA وهي اختصار ل Certified Management Accountant ودي شهادة امريكية مكونة من جزئين
الجزء الاول هتدرس فيه planning,budgeting and forecasting, performance management, cost management,internal control and ethics
الجزء التاني هتدرس فيه 5 مواد Financial statement analysis,corporate finance, decision analysis, risk management investment decisions and ethics
و ده موقع المعهد اللي بيدي الشهادة www.imanet.org
- ولو عايز تشتغل في مجال المراجعة الخارجية
ننصحك تعمل شهادة مهنية وهي CPA وهي اختصار ل Certified Public Accountant و دي شهادة بتتعلم فيها كل Auditing المرتبطة بالمراجعة المالية و دي بتحصل فيها علي زمالة المجمع الامريكي للمحاسبة والشهادة مقسومة الي 4 اجزاء
الجزء الاول هتدرس فيه Gaap for business,Enterpriser,Governmental Accounting NoN Profit
الجزء التاني هتدرس فيه Business law professional ,Legal Responsibilities Federal Taxation
الجزء الثالت هتدرس فيه Finance ,Economics ,IT and costing
الجزء الرابع هتدرس فيه Auditing procedures ,Other standard related to attestation engagement and GAAS
و ده الموقع الرسمي للشهادة www.aicpa.org
4. لو انت عايز تشتغل في مجال المراجعة الداخلية
ف في شهادة يمنحها معهد المراجعين الداخليين في امريكا وهي CIA وهي اختصار ل Certified Internal Auditor
والمعهد برده بيمنح شهادات تانية في المجال ده …بس طبعا CIA هي اكتر الشهادات شهرة في العالم في المراجعة الداخلية
5. لو انت عايز تشتغل في treasury في البنوك او الشركات الكبيرة
ف ممكن تعمل شهادة CTP وهي اختصار ل Certified Treasury Professional
الشهادة دي بتركز علي ادارة السيولة بوجه عام وازاي تقدر توظف السيولة وتقلل المخاطر
6. لو عايز تشتغل في مجال التحليل المالي كمحلل استثمار او محلل ائتمان
ننصحك ب CFA وهي اختصار ل Chartered Financial Analyst
ودي بتركز علي تحليل الاستثمار وتمويل الشركات وتحليل وتقييم الاوراق المالية وادارة المحافظ الاستثمارية وبتتكون من 3 ليفل
المستوي الاول هتدرس فيه 10 مواد وهما corporate finance ,Economics ,Derivatives investment ,Alternative investment ,Equity investment ,portfolio management, Fixed income,Quantitative methods,Financial reporting &Analysis and Ethics
اما المستوي التاني هتدرس فيه تحليل الشركات والمصانع وتقييم الاصول
والمستوي التالت هتدرس فيه ادارة المحافظ المالية وتقييم السلوك المهني بالاضافة الي تطبيق المفاهيم اللي تم دراستها في المستوي الاول والتاني